2011年，Jackson正在埋首準備倫敦奧運會，而即將要中學畢業的他，亦獲得美國一間著名大學提供學位及獎學金，此時碰巧韓國娛樂公司JYP前來Jackson所屬的中學進行試鏡，Jackson再一次受邀面試。他表示：「當時我會諗，韓國公司咁遠嚟到香港搵到我，仲要喺我人生中遇到兩次，我覺得機會好難得，我信一定系代表咗啲嘢。」
Jackson向爸爸表達赴韓追夢的請求，卻遭到爸爸極力反對，Jackson說：「爸爸會帶我同佢以前嘅學生同隊友食飯，每次介紹我嗰陣都會好自豪，當時劍擊界好多人都好期待我，因爲我係『亞洲第一劍』個仔。」
Jackson憶述：「我未見過阿爸咁樣，食完飯之後佢一個人坐咗喺露臺望住個海，我覺得好傷心，會反問自己系咪因爲我呢個決定而令到爸爸咁唔開心呢？」
Jackson回憶在韓國從零開始，當中不免有很多辛酸，但他卻選擇默默承受：「其實嗰陣好辛苦，辛苦可以同邊個講？一定無可能同父母講，佢哋送你出國，就算你生活好開心好健康，佢哋始終都會擔心你，更無可能同其他練習生講，人哋都會有自己要面對嘅問題。」有苦不能訴，Jackson透露自己那時望著夜空痛哭過幾個晚上。不過，付出的努力和辛酸最終得到回報，Jackson回憶正式出道的一刻：「聽到『出道啦』呢這句嗰陣我好似發緊夢咁！」
全文 👉 新浪香港微博
